Família

 “Moris, kontinua moris & ajuda fó moris”

Moris família tenke sai etapa prinsipál iha evolusaun kontinua nu’udar indivíduu ida atu to’o ba iha moris ksolok. Ida ne’e mak iha família, ema hahú la’o no prepara-an ba moris di’ak ne’ebé loos. Prosesu viajen ba moris di’ak iha família iha nia konsekuénsia oin-oin ba moris ne’e rasik. Tanba ne’e, família tenke sai nu’udar eskola moris nian.

Iha sentidu ne’ebé importante iha família mak sente seguru, iha ne’ebé membru ida-idak sente hela iha nia uma rasik. Sente seguru ne’e tenke ho lisan kontinuidade iha tempu tomak nia laran nu’udar família.

Iha mundu ohin loron, papél inan-aman mak atu promove dezenvolvimentu oan sira. Atu nune’e, oan sira bele sai nu’udar  indivíduu independente no úniku ho sira-nia nesesidade rasik atu halo moris ne’e sai di’ak liu.